काठमाडौं । टक्सार पिखुवा खोला हाइड्रोपावर लिमिटेडको ६ औं साधारणसभा आज खिचापोखरी, काठमाडौंमा सम्पन्न भएको छ । कम्पनीका अध्यक्ष अजय बल्लभ पन्तको अध्यक्षतामा साधारणसभा सम्पन्न भएको हो ।
साधारणसभाले संचालक समितिको तर्फबाट अध्यक्षद्वारा प्रस्तुत आर्थिक वर्ष २०८२ / ०८३ को वार्षिक प्रतिवेदन, र लेखापरिक्षकको प्रतिवेदन सहित आर्थिक वर्ष २०८२ / ०८३ को वासलात, नाफा नोक्सान हिसाव र नगद प्रवाह लगायतका वित्तिय विवरणहरु पारित गरेको छ ।
त्यस्तै सभाले आ.व २०८३/०८४ का लागि लेखापरिक्षकको नियुक्त गरि निजको पारिश्रमिक निर्धारण गरेको छ। सभाले अन्य नयाँ परियोजनाहरुको पहिचान गरी लगानी गर्न आवश्यक भएमा सञ्चालक समितिलाई अख्तियारी प्रदान गरेको छ ।
सभाले कम्पनीले अन्य कम्पनीहरुमा लगानी गर्न सहजताको लागि होल्डिङ कम्पनीमा परिणत गर्नको लागि कम्पनीको नाम परिवर्तन गर्ने तथा सोही अनुसार प्रबन्धपत्र नियमावलीमा आवश्यक संशोधन गर्न विशेष प्रस्ताव परित गर्नुका साथ प्रबन्धपत्र तथा नियमावलीमा गरिने संशोधन/थप उपर नियमनकारी निकायबाट कुनै सुझाव/निर्देशन प्राप्त भएमा सोही बमोजिम प्रबन्धपत्र तथा नियमावलीमा आवश्यक सशाेधन एवं परिमार्जन गर्न सञ्चालक समितिलाई अख्तियारी समेत प्रदान गरेको छ ।
साधारणसभाबाट ४ जना संचालकहरु चिर्वाचित भएका छन् । जस अनुसार रुपेश तामाङ, सुरेश कुमार स्थापित, मिरा पाण्डे र कुशल खरेल निर्वाचित भएका हुन् ।
