काठमाडौँ । नेपालका लागि याडिया (YADEA) को आधिकारिक वितरक कुजु नेपाल प्रा. लि. ले नयाँ पुस्ताका GS70, GT70 र GT80 विद्युतीय स्कुटरहरू औपचारिक रूपमा सार्वजनिक गरेको छ। आधुनिक प्रविधि, उत्कृष्ट कार्यक्षमता तथा नेपाली उपभोक्ताको बदलिँदो आवतजावत आवश्यकतालाई ध्यानमा राखेर विकास गरिएका यी स्कुटरहरूले नेपालमा स्मार्ट विद्युतीय गतिशीलताको नयाँ अध्याय सुरु गर्ने कम्पनीले विश्वास व्यक्त गरेको छ।
विश्वकै नम्बर १ विद्युतीय दुईपाङ्ग्रे सवारीसाधन ब्रान्ड याडियाले नवीन प्रविधि र दिगो यातायात समाधानमार्फत नेपाली बजारमा आफ्नो उपस्थिति अझ सुदृढ बनाउँदै लगेको छ। नयाँ GS70, GT70 र GT80 ले दैनिक सहरी यात्रादेखि लामो दूरीको यात्रा खोज्ने ग्राहकका विविध आवश्यकताहरू पूरा गर्ने उद्देश्य राखेका छन्।
तीन मोडलका मुख्य विशेषताहरू
- YADEA GS70 (स्मार्ट दैनिक सहयात्रा): दैनिक सहरी यात्रालाई सहज र किफायती बनाउन यसमा २.१ kWh LFP ब्याट्री तथा २.८ kW पिक मोटर जडान गरिएको छ, जसले एकपटकको पूर्ण चार्जमा १०५ किमीसम्मको रेन्ज दिन्छ।
- YADEA GT70 (लामो दूरीका लागि उपयुक्त): लामो दूरी यात्रा गर्नेहरूका लागि तयार पारिएको यस मोडलमा ५.७ kWh डुअल LFP ब्याट्री प्रणाली (३.६ kWh फिक्स र २.१ kWh रिमुभेबल) तथा ३.७ kW पिक मोटर छ। यसले २२० किमीसम्मको रेन्ज प्रदान गर्छ।
- YADEA GT80 (प्रीमियम पर्फर्मेन्स): प्रीमियम सेग्मेन्टअन्तर्गतको GT80 मा ३.६ kWh लिथियम ब्याट्री, ५ kW पिक मोटर, ८० किमी/घण्टासम्मको उच्च गति र १५० किमीसम्मको रेन्ज उपलब्ध छ।
स्मार्ट प्रविधि र सुरक्षा
नयाँ सिरिजमा ब्लुटुथ कनेक्टिभिटी, TFT स्मार्ट डिस्प्ले, मोबाइल नेभिगेसन मिररिङ, YADEA स्मार्ट एप, ५ जनासम्म प्रयोग गर्न सकिने Family Sharing र स्मार्ट Keyless प्रणाली जस्ता आधुनिक प्रविधि समावेश छन्।
सुरक्षाका लागि तीनै मोडलमा Traction Control System (TCS), Cruise Control, Hill Hold Control, Hill Descent Control र Dual Disc Braking System राखिएका छन्। साथै, कम्पनीले यी स्कुटरहरूमा ३ वर्ष वा ५०,००० किमीसम्मको ब्याट्री वारेन्टी उपलब्ध गराएको छ।
हाल यी नयाँ मोडलहरू देशभर रहेका २० वटा आधिकारिक याडिया डिलरसिपमार्फत उपलब्ध छन्। लन्चको अवसरमा कुजु नेपालले NAIMA अटो शो (NAIMA Auto Show) सम्पन्न नहुँदासम्म तीनै मोडलमा रु. १०,००० को विशेष छुट प्रदान गरिरहेको जनाएको छ।
