भालुवाङ, बागलुङ, लालबन्दी, चपुर र लहानमा नयाँ सेवा केन्द्र सञ्चालन; व्यावसायिक इभी प्रयोगकर्ताहरू प्रत्यक्ष लाभान्वित हुने
काठमाडौं, १३ जुलाई, नेपालका लागि फोटोन (FOTON) गाडीको आधिकारिक वितरक एमएडब्ल्यु वृद्धि कमर्सियल भेइकल्स प्रालि (MAW Vriddhi Commercial Vehicles Pvt. Ltd.) ले देशभर आफ्नो व्यावसायिक र आक्रामक बजार विस्तारलाई निरन्तरता दिएको छ। कम्पनीले देशका विभिन्न पाँच रणनीतिक स्थानहरूमा नयाँ ‘फोटोन टोटल केयर शिल्ड सर्भिस पोइन्ट’ (FOTON Total Care Shield Service Point) सञ्चालनमा ल्याएको छ।
foton ले भालुवाङ, बागलुङ, लालबन्दी, चपुर र लहान मा एकैसाथ नयाँ आधिकारिक सर्भिस पोइन्टहरू थप गरेर आफ्नो बिक्रीपछिको सेवा (After-Sales Service) नेटवर्कलाई थप सुदृढ र भरपर्दो बनाएको हो।
यो नयाँ विस्तारसँगै फोटोनको देशव्यापी बिक्रीपछिको सेवा नेटवर्क अब २१ भन्दा बढी स्थानमा पुगेको छ। यसबाट देशभरका फोटोन विद्युतिय सवारी (EV) धनी तथा चालकहरूले आफ्नै स्थानीय स्तरमा उच्चस्तरीय र भरपर्दो मर्मतसम्भार एवं प्राविधिक सहयोग सहज रूपमा प्राप्त गर्न सक्नेछन्।
विशेष गरी दैनिक रूपमा गाडी सञ्चालन गर्नुपर्ने शैक्षिक संस्था, लजिस्टिक व्यवसाय (ढुवानी सेवा) तथा अन्य व्यावसायिक सवारीसाधन सञ्चालकहरूका लागि यो सेवा बिस्तार अत्यन्तै महत्वपूर्ण साबित हुने कम्पनीको विश्वास छ।
नयाँ स्थापना गरिएका शिल्ड सर्भिस पोइन्टहरूमा ग्राहकले निम्न सेवा तथा सुविधाहरू प्राप्त गर्नेछन्:
- नियमित मर्मतसम्भार र प्राविधिक परीक्षण: गाडीको अवस्थालाई चुस्त राख्न आधुनिक प्रविधिको प्रयोग।
- विशिष्ट इभी डायग्नोस्टिक्स: फोटोनका विद्युतीय सवारीसाधनको डिजिटल परीक्षणका लागि अत्याधुनिक डायग्नोस्टिक्स उपकरणहरू।
- दक्ष प्राविधिक टोली: विशेष रूपमा तालिमप्राप्त र योग्य इभी (EV) प्राविधिकहरूद्वारा सेवा।
- जेन्युइन स्पेयर पार्ट्स: गाडीको लामो आयु र सुरक्षाका लागि फोटोनका ओरिजनल (Genuine) पार्टपुर्जाहरूको उपलब्धता।
- वारेन्टी सपोर्ट: कम्पनीको नियमानुसार प्राप्त हुने आधिकारिक वारेन्टी सेवाहरू।
नेपालमा विद्युतीय सवारीसाधनको प्रयोग तीव्र रूपमा बढिरहेका बेला दक्ष इभी मर्मत सेवाको पहुँच पनि उत्तिकै आवश्यक बन्दै गएको छ। प्रमुख सहरी क्षेत्रभन्दा बाहिर समेत आफ्नो सेवा सञ्चालन पुर्याएर फोटोनले ग्राहकको समय र लागत दुवै बचत गर्ने लक्ष्य राखेको छ।
“सवारीसाधन सञ्चालनमा आउने अवरोध कम गर्नु र सञ्चालन खर्च (Operating Cost) घटाउनु नै ‘फोटोन टोटल केयर’ कार्यक्रमको प्रमुख उद्देश्य हो। नेपालको भूगोल र सञ्चालन अवस्था अनुकूल तयार पारिएको यो सेवाले व्यावसायिक सवारीसाधनलाई निरन्तर सञ्चालनमा राख्न र व्यवसायलाई सहज रूपमा अघि बढाउन मद्दत गर्नेछ।”
यी नयाँ सर्भिस पोइन्टहरूले दुर्गम, अर्ध-शहरी तथा क्षेत्रीय बजारहरूमा समेत एउटै मापदण्डको गुणस्तरीय सेवा र सहज पहुँचयुक्त बिक्रीपछिको सहायता (After-sales Support) प्रदान गर्ने प्रतिवद्धता जनाएका छन्। पाँच नयाँ स्थानमा सेवा विस्तार गरेसँगै फोटोनले नेपालमा विद्युतीय व्यावसायिक सवारीसाधनको इकोसिस्टमलाई थप बलियो बनाएको छ।
