काठमाडौं । डिल्लीबजारस्थित वचन बचत तथा ऋण सहकारी संस्थाले आफ्नो १६औं वार्षिक साधारणसभा सम्पन्न गरेको छ । उक्त सहकारीका अध्यक्ष मुकुन्द राज खनालको सभापतित्वमा यही कार्तिक २२ गते शनिबार सम्पन्न सभाले अध्यक्ष खनालद्वारा प्रस्तुत गरिएको संस्थाको आर्थिक वर्ष वार्षिक प्रगति प्रतिवेदन र आगामी रणनीति , सचिव मनोहरि तिवारीले प्रस्तुत गरेका कार्यक्रम , बजेट तथा व्यवस्थापकीय प्रणाली -२०८१/८२ , कोषाध्यक्ष सुरेश धिमालले प्रस्तुत गरेका वित्तीय प्रतिवेदन र लेखा समितिका संयोजक विमोल भेटवालले प्रस्तुत गरेका लेखासुपरीक्षण प्रतिवेदन सदस्यहरुबीच छलफल र सुझावसहित पारित गरेको छ।
संस्थाको साधारणसभा एयरपोर्ट इन्जिनियर प्रचण्ड मान मल्लको प्रमुख आतिथ्य तथा प्रा.डा. अरहन स्थापितको विशेष आतिथ्यमा सम्पन्न भएको हो। साधारणसभाकै अवसरमा ‘वचन सहकारीको वर्तमान स्थिति तथा आगामी कार्यनीति’ विषयक प्यानल छलफल समेत सम्पन्न गरिएको थियो । पत्रकार तथा मनोविद गोपाल ढकालले सहजीकरण गरेका उक्त अन्तर्कियामा संस्थाका अध्यक्ष मुकुन्द राज खनाल , सचिव मनोहरि तिवारी , लेखासुपरीक्षण समितिका संयोजक विमोल भेटबाल तथा प्रमुख कार्यकारी अधिकृत डा. देशमर्दन बस्न्यातले अवधारणा राखेका थिए भने सदस्यहरुबाट सुझाव लिइएको थियो। सभामा संस्थाका अध्यक्ष मुकुन्द राज खनालले सदस्यहरुलाई आत्मनिर्भर बनाउदै जीवनस्तर सुधार गर्नको लागी विभिन्न कार्यक्रमहरु संचालन गरिरहेको जानकारी दिए। अध्यक्ष खनालले सहकारीका सिद्धान्त , मुल्य -मान्यता , कार्यशैली नेपालको प्रचलित सहकारी ऐन – २०७४ तथा नियमावली – २०७५ र राष्ट्रिय सहकारी नियमन प्राधिकरणले जारी गरेका विभिन्न निर्देशिका अनुरुप रहेको बताए। यसैअनुरुप सदस्यहरुको सामाजिक , आर्थिक र साँस्कृतिक विकासमा महत्त्वपूर्ण योगदान दिन संस्था सधैं लागिरहने प्रतिबद्धता उनले जनाए ।
समीक्षा आर्थिक वर्षमा यस वचन साकोसको वित्तीय अवस्था यस्तो रहेको छ:- -जम्मा शेयर पूँजी: ३ करोड ५६ लाख ६९ हजार २ सय रुपैयाँ -जगेडा तथा अन्य कोष: ४ करोड ९१ लाख १५ हजार ४ सय ७६ रुपैयाँ -बचत तथा निक्षेप: २६ करोड ५६ हजार ९ सय २७ रुपैयाँ -लगानीमा रहेको ऋण: २६ करोड ८९ लाख ५८ हजार ९ सय ९५ रुपैयाँ -अन्य लगानी: ५५ लाख ३६ हजार रुपैयाँ -बैंक तथा नगद मौज्दात: ५ करोड ८५ लाख ६ हजार ४ सय ९५ रुपैयाँ : -स्थिर सम्पत्ति: ३२ लाख ६ हजार ९ सय ७८ रुपैयाँ -उठ्न बाँकी ब्याज, हर्जना: ९८ लाख २८ हजार ५ सय २७ रुपैयाँ – नगदमा उठेको व्याज, हर्जना: ३ करोड ८१ लाख २२ हजार ३ सय ९४ रुपैयाँ -भाखा अवधि सकिएको ऋण: २ करोड ४१ लाख ३१ हजार ४ सय ५९ रुपैयाँ -पुर्ण भाखा अवधि सकिएको ऋण प्रतिशत: ८.९७ प्रतिशत -कुल सदस्य संख्या: २ हजार ८८ जना – आ.व. ०८१/०८२ को वासलातः ३४ करोड ७६ लाख ९२ हजार ९ सय ४१ रुपैयाँ
