एन टि ए लिग २०२५ हुने

काठमाडौं । भदौं १०, तेक्वान्दो खेलको विकास र विस्तारका साथै नव उदीयमान र प्रतिभाशाली खेलाडीहरुकोपहिचान र खोजी गरी आगामी दिनमा अन्तर्राष्ट्रिय प्रतियोगिताहरुमा प्रतिनिधित्व गर्दै देशका लागि उत्कृष्ट नतिजा हासिल गर्ने लक्ष्य सहित नियमित रुपमा प्रतियोगिताको आयोजना गरी खेलाडीहरुलाई सुअवसर प्रदान गर्ने उद्धेश्यका साथ यस संघद्धारा लिग प्रतियोगिताको नियमित आयोजना गर्न लागेको हो ।
यसै क्रममा यस प्रतियोगिताको पहिलो संस्करण 1st NTA League Poomsae, 1st NTA League Kyorugi, दोस्रो संस्करण 2nd NTA League,तेस्रो संस्करण 3rd NTA Leagueगरी तिन संस्करण सफलताका साथ सम्पन्न गरिसकेको व्यहोरा निवेदन गर्दै यसको आगामी चौथो संस्करण 4th NTA League 2025 (Kyorugi & Poomsae) मिति २०८२ साल भाद्र १२ गते देखि १५ गते सम्म सातदोबाटो स्थित नेपाल तेक्वान्दो संघको केन्द्रीय हलमा आयोजना हुनेछ ।
नेपाल तेक्वान्दो संघको वरियताक्रमको मान्यता प्राप्त यस चौथो संस्करणमा उत्साहका साथ देश भर बाट ५४५ महिला तथा ९५० पुरुष गरी जम्मा १४९५ खेलाडीको सहभागिता रहने आयोजकले जनाएको छ ।