काठमाडौँ । चितवन राइनोज, नेपाल प्रिमियर लिग फ्रेन्चाइज टिम, ले बहुप्रतिक्षित सिजन २ अघि नयाँ हेड कोच, मेन्टर र टिम डाइरेक्टरको नियुक्ति औपचारिक रूपमा घोषणा गरेको छ।
हेड कोच- कलाम अली
पूर्व नेपाल इन्टरनेशनल कलाम अलीले सिजन २ का लागि हेड कोचको जिम्मेवारी सम्हाल्ने भएका छन्। नेपाल राष्ट्रिय टिम, Nepal-A, महिला राष्ट्रिय टिम, बागमती प्रदेश, र विभिन्न घरेलु फ्रेन्चाइजहरूमा एक दशकभन्दा बढीको कोचिङ अनुभवसहित, अली नेपालका सबैभन्दा सम्मानित क्रिकेट दिमागहरूमध्ये एक बनेका छन्।
गत सिजनमा चितवन राइनोजका बलिङ प्रशिक्षक रहेका अलीको हेड कोचमा बढुवा हुनु, उनको समर्पण र प्रभावको प्रमाण भएको जनाइएको छ । एक सौम्य स्वभावका तर तीक्ष्ण पूर्व फास्ट बलर, उनी टोलीको नेतृत्वको जिम्मेवारी र चुनौती स्वीकार गर्न तयार रहेको बताइएको छ ।
मेन्टर– मनीष साखलकर
मेन्टरको रूपमा टोलीमा सामेल भएका छन् मनीष साखलकर, पूर्व फर्स्ट(क्लास क्रिकेटर जसले मुम्बईको उमेरसमूह स्तरमा र हरियाणाको तर्फबाट प्रतिष्ठित रणजी ट्रफीमा प्रतिनिधित्व गरेका थिए। पारस म्हाम्ब्रे, अमोल मुझुमदार, चन्द्रकान्त पंडित, अजीत आगरकर जस्ता क्रिकेटरहरूको सुनौलो पुस्ताबाट आएका साखलकर, विशाल क्रिकेट ज्ञानको भण्डारसहित टोलीमा आएको चितवन राइनोजले जनाएको छ ।
चितवन राइनोजका अनुसार नेपालमा उनको योगदानले ग्रासरुट स्तरमा प्रतिभा विकासमा महत्वपूर्ण भूमिका खेलेको छ, जसले भविष्यका खेलाडीहरू तयार गर्न सहयोग गरेको छ। उनले नेपालका विभिन्न घरेलु लिग र क्रिकेट संघहरूमा कोच तथा सल्लाहकारको रूपमा पनि योगदान दिएका छन्, जसले गर्दा उनी चितवन राइनोजको ब्याकरुम स्टाफका अमूल्य सदस्य बनेका छन्।
टिम डाइरेक्टर– राजन शाह
चितवन राइनोजका अनुसार सिभिल इञ्जिनियरिङ स्नातक तथा नेपाल क्रिकेटका सबैभन्दा मागमा पर्ने विश्लेषकहरू मध्येका एक, राजन शाह, सिजन २ मा टिम डाइरेक्टरको भूमिकामा उत्रँदै आफ्नो कार्यसम्पादन विश्लेषकको जिम्मेवारी पनि निरन्तर दिनेछन्।
“The man behind the laptop” भनेर चिनिने शाहको तीक्ष्ण रणनीतिक सोच र डेटा–आधारित विश्लेषणले नेपाल महिला राष्ट्रिय टिम, Nepal-A, र नेपाल पुरुष U19 टोलीहरूलाई लाभ पुर्याएको छ।
ब्लगर, कमेन्टेटर, पत्रकार, र अहिले प्रशासकको रूपमा एक दशकभन्दा बढी समयदेखि नेपाल क्रिकेटमा सक्रिय रहेका शाहको यो दोहोरो भूमिकाले चितवन राइनोजका क्रिकेट अपरेसनलाई निर्देशन दिने र टोलीको रणनीतिक दृष्टिकोणलाई अझ परिष्कृत गर्ने बताइएको छ ।
