काठमाडाैं । नेपाल आयल निगमले पेट्रोल र डिजेलको मुल्य बढाएको छ ।
निगमले मंगलबार बिहान १ बजेपछि लागु हुनेगरी पेट्रोलमा प्रतिलिटर ५ रूपैयाँ र डिजेल तथा मट्टितेलमा प्रतिलिटर ४ रूपैयाँले बढाएको जनाएको छ ।
नयाँ मूल्य अनुसार काठमाडौं, पोखरा र दिपायलमा पेट्रोल प्रतिलिटर १६५ रुपैयाँ र डिजेल प्रतिलिटर १४९ रुपैयाँ कायम भएको छ। यस्तै दाेस्राे वर्ग सुर्खेत र दाङमा पेट्रोल प्रतिलिटर १६४ रुपैयाँ र डिजेल प्रतिलिटर १४८ रुपैयाँ कायम भएकाे छ ।
पहिलो वर्ग चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र विरगञ्जमा पेट्रोल प्रतिलिटर १६२ रुपैयाँ र डिजेल प्रतिलिटर १४६ रुपैयाँ कायम भएकाे छ ।
