सिन्धुली । कमलामाइ नगरपालिका वडा नम्बर तीन चपौलीमा भित्याउने बेलाकाे मकै बाली जंगली जनावरले खाइदिदा किसान हैरान भएका छन्।
रातको समयमा बँदेल र दुम्सि खेतमा पसेर मकैबाली नष्ट गरेको चपाैली तारूफेदीका कृषक प्रकाश फुयालले जनाए । उनले सामाजिक सञ्जालमा बँदेलले मकै खाएकाे फोटो राख्दै लेखेका छन् ‘बँदेल लगायत जंगली जनावरले यसैगरी मकै खाए कृषकको हालत के होला ?’ भन्दै प्रश्न गरेका छन् ।
चपौली लगायत महाभारत आसपासका क्षेत्रमा बाँदर, दुम्सि र बँदेलले कृषकलाइ दु:ख दिदै आएका छन् । दिनमा बाँदर हेर्नुपर्ने रातको समयम दुम्सि र बँदेल कुर्नुपर्ने अवस्था यस क्षेत्रमा रहेकाे चपाैलीका कृषक बताउछन् ।
