दक्षिण एसियाली युथ टेबलटेनिसमा पदक जित्ने पाँच खेलाडीलाईस्ट्याग च्याम्पियन्स टेबलटेनिस एकेडेमीको सम्मान

काठमाडौँ, २७ वैशाख । स्ट्याग च्याम्पियन्स टेबलटेनिस एकेडेमीले शनिबार दक्षिण एसियाली युथ टेबलटेनिस च्याम्पियन्सीप २०२५ मा पदक जित्ने आप्mना पाँच खेलाडीलाई नगदसहित सम्मान गरेको छ ।
अखिल नेपाल टेबलटेनिस संघका अध्यक्ष विजेन्द्र हमाल, उपाध्यक्षद्वय गोवर्धन श्रेष्ठ र सुमन खड्गी, महासचिव कुबेरप्रकास सिंह तथा राष्ट्रिय टेबलटेनिस टिमका प्रमुख प्रशिक्षक मोहनदास बासुकलाले स्ट्याग एकेडेमीका पदक विजेता खेलाडीहरुलाई सम्मानित गर्नुभयो । सबै खेलाडीलाई जनही दस हजार रुपियाँ, मायाको चिनो र प्रमाणपत्रसहत सम्मान गएिको हो । स्ट्याग च्याम्पियन्स नौ पटक लगातार राष्ट्रिय टेबलटेनिस च्याम्पियन बनेकी नविता श्रेष्ठ र प्रशिक्षक राकेश महर्जनले खोलेको टेबलटेनिस एकेडेमी हो ।
लैनचौरस्थित राष्ट्रिय टेबलटेनिस प्रशिक्षण केन्द्रमा गत वैशाख ११ देखि १४ गतेसम्म भएको प्रतियोगतामा नेपालले एक स्वर्ण, ६ रजत र ५ कांस्यसहित १२ पदक जितेको थियो । स्ट्याग च्याम्पियन्स टेबलटेनिस एकेडेमीले यु १९ खेलाडीद्वय गनञ्जय दाहाल र प्रवेश बस्नेत तथा यु १५ उमेर समूहमा पदक जित्ने शुभश्री श्रेष्ठ, प्राज्ना महर्जन र सुरम्या श्रेष्ठलाई सम्मान गरेको हो ।
दक्षिण एसियाली युथ टेबलटेनिसमा गनन्जयले यु१९ ब्वाइज टिममा स्वर्ण, यु१९ ब्वाइज डबल्स्मा रजत तथा यु१९ ब्वाइज एक र यु१९ मिक्स डबल्समा काश्य पदक जितेका थिए । यसैगरी प्रवेशले यु१९ ब्वाइज टिममा स्वर्ण र यु१९ ब्वाइज डबल्समा रजत पदक हासिल गरे ।
शुभश्रीले यु१५ गल्र्स डबल्स्मा रजत र यु१५ गल्र्स एकल र यु१५ गल्र्स टिममा काश्य पदक नेपाललाई दिलाइन् । प्राज्नाले यु१५ गल्र्स डबल्स्मा रजत र यु१५ गल्र्स टिममा काश्य तथा सुरम्याले यु१५ गल्स टिममा काश्य पदक जितेका हुन् ।
गनन्जयय र प्रवेश यु–१९ को ब्वाइज टिम इभेन्टमा पहिलो भएर उज्वेकिस्तानमा हुने एसियाली जुनियर टेबलटेनिसका लागि छनोट पनि भएका छन् ।