काठमाडौं । जल तथा मौसम विज्ञान विभागले आज र भोली हल्कादेखि मध्यम वर्षाको सम्भावना आगामी मंगलबारसम्म रहेको जनाएको छ ।
आइतबारदेखि देशव्यापी रूपमा बदलीसहित सुरु भएको हल्का वर्षा सोमबार र मङ्गलबारसम्म जारी रहने भएको हो ।
माैसम पुर्वानुमान महाशाखाका अनुसार नेपालमा पश्चिमी वायु तथा स्थानीय वायुको प्रभाव बढेकोे छ । साथै बङ्गालको खाडीबाट भित्रिइरहेको जलवाष्पयुक्त हावाको पनि प्रभाव छ । यी सबैको संयुक्त प्रभावले वर्षा गराएको हो ।
बागमती प्रदेशका केही जिल्ला सहित मधेस र काेशी प्रदेशका केही जिल्लामा हाल वर्षा जारी रहेकाे छ ।
