काठमाडाैं । सरकारले नेपाल स्टक एक्सचेन्जको प्रमुख कार्यकारी अधिकृत (सीईओ) नियुक्त गरेको छ।
एक मन्त्रीका अनुसार सोमबार साँझ बसेको मन्त्रिपरिषद्को बैठकले चूडामणि चापागाईंलाई सीईओमा नियुक्त गरेको हो।
नेप्से सीईओका लागि गत फागुन १२ मा पहिलोपटक आवेदन माग हुँदा १२ जनाले आवेदन दिएका थिए। तीमध्ये यही चैत ३ मा अर्थ मन्त्रालयले सहसचिव सेवन्तक पोखरेलको संयोजकत्वमा गठन गरेको नियुक्ति सिफारिस समितिले ५ जनाको नाम सिफारिस गरेको थियो।
उक्त सूचीमा चापागाई पहिलो नम्बरमा थिए। उनीसहित नारदकुमार लुइँटेल, पूर्णप्रसाद आचार्य, बद्रीप्रसाद प्याकुरेल र हेमन्त बस्याल सूचीमा थिए।
सीईओ नियुक्त भएका चापागाईं पूर्वबैंकर पनि हुन्। उनी सानिमा बैंकको इटहरी शाखाका म्यानेजर रहिसकेका छन्। उनले ब्रान्च म्यानेजरको रुपमा २०१४ देखि २०१७ सम्म ३ वर्ष काम गरेका थिए।
