काठमाडौं । आज काठमाडौं सहित देशका विभिन्न भागमा सामान्य वर्षाको सम्भावना रहेको छ ।
आजदेखि तीन दिनसम्म बादल लाग्नुका साथै हल्का पानी पर्ने सम्भावना रहेको मौसमविदले बताएका छन् ।
अरेवियन सागर हुँदै आएको पश्चिमी वायु र स्थानीय वायुको प्रभावले बादल लाग्ने, हल्का पानी पर्ने र उच्च पहाडी भूभागमा हल्का हिमपात हुने समेत सम्भावना छ ।
मौसमविद विनोद पोख्रेलका अनुसार आगमी तीनदिन कोशी, मधेश, बागमती, गण्डकी र कर्णाली प्रदेशका थोरै स्थानहरू तथा बाँकी पहाडी भू–भागका एक–दुई स्थानमा मेघगर्जन/चट्याङ्गसहित हल्का वर्षाको सम्भावना छ ।
