काठमाडौं । अमेरिकाबाट भारतका लागि उडेको जहाज इटालीको रोममा सफल अवतरण भएको छ ।
इटालियन विमानस्थलका प्रवक्ताका अनुसार, १९९ यात्रु र १५ चालक दलका सदस्यहरू बोकेको न्यूयोर्कबाट नयाँ दिल्लीका लागि उडेको अमेरिकन एयरलाइन्सको उडान आइतबार बमको भएको हल्ला पछि इटालीको रोममा डाइभर्ट गरिएको थियो ।
अमेरिकन एयरलाइन्सको उडान एए२९२ फेब्रुअरी २२ मा न्यूयोर्कको जेएफके अन्तर्राष्ट्रिय विमानस्थलबाट भारतका लागि प्रस्तान गरेको थियो । सम्भावित सुरक्षा समस्या दाबी गरेपछि रोममा डाइभर्ट गरिएको थियो ।
अधिकारीहरूका अनुसार उडान रोमको लियोनार्डो दा भिन्ची–फ्युमिसिनो विमानस्थलमा सुरक्षित रूपमा अवतरण गरिएको अन्तर्राष्ट्रिय सञ्चार संस्था सिएनएन न्यूज १८ले जनाएको छ ।
