सरकारले दल विभाजन सम्बन्धि अध्यादेश ल्याउने तयारी गरेको छ । आज साँझ बस्ने मन्त्रिपरिषद बैठकमा उक्त अध्यादेश पेशहुने प्रवल सम्भावना रहेको बताइएको छ ।
सरकारले सत्तारुढ दल नेपाली कांग्रेसको असहमतिकाबीच दल फोर्ने अध्यादेश ल्याउन लागेकाे बताइन्छ। आज साँझ प्रधानमन्त्रीको कार्यालय सिंहदरबारमा बस्ने मन्त्रिपरिषद् बैठकमा उक्त अध्यादेश पेस हुनसक्ने प्रवल सम्भावना रहेको जनाइएको छ।
प्रधानमन्त्री केपी शर्मा ओलीले दल विभाजनसम्बन्धी अध्यादेश ल्याउने तयारी गरेपछि देउवासँग महामन्त्री थापाले छलफल जुटेकाे बताइन्छ ।
अध्यादेश ल्याउन प्रधानमन्त्री ओलीले देउवासँग तारनतार ताकेता गर्दै आएका छन् । यसै विषयमा छलफल गर्न ओलीले आइतबार देउवालाई बालुवाटार बोलाएका थिए । तर अध्यादेश ल्याउने विषयमा देउवा मौन रहेको बुझिएको छ ।
सुरुमा ओली र देउवाबिच छलफल भएको थियो । पछि एमालेबाट महासचिव शंकर पोखरेल, विष्णु पौडेल, कांग्रेसबाट देउवासहित गृहमन्त्री रमेश लेखक, महामन्त्री गगन थापा लगायत नेताहरू बालुवाटार पुगेका थिए । अध्यादेश ल्याउने विषयमा कांग्रेसभित्र मतभेद रहेको छ ।
पूर्वप्रधानमन्त्री एवं एकीकृत समाजवादीका अध्यक्ष माधव नेपाल, महासचिव घनश्याम भुसाल लगायत नेताहरूले ओलीलाई अध्यादेश रोक्न आग्रह गर्दै आएका छन् ।
आज साँझ प्रधानमन्त्रीको कार्यालय सिंहदरबारमा मन्त्रिपरिषद् बैठक बस्दैछ । सायद आजै अध्यादेश पेस हुन सक्ने एक मन्त्रीले बताएका छन् ।
