काठमाडौं । न्यून चापीय रेखा मध्य भारत तथा नेपालमा रहेका कारण हाल देशभरी नै वर्षा भइरहेको छ ।
बुधबारदेखि नै शुरुभएको वर्षा विहीबार रातीदेखि अझ सक्रिय भएको जल तथा मौसम पूर्वानूमान महाशाखाले जनाएको छ । महाशाखाका अनुसार हाल देशको पूर्वी तथा पश्चिमि क्षेत्रमा मध्यम देखि भारी वर्षा गराउने बादल सक्रिय रहनुका साथै देशभरी नै वर्षा जारी रहेको छ ।
मौसमविद् विनोद पोख्रेलले गत २४ घण्टामा भएकाे वर्षाको विवरण हेर्दा पुर्बी र पश्चिम तराईमा धेरै वर्षा भएको र बाँकी भागमा मध्यमदेखि हल्का वर्षा भएकाे जनाए । उनले
अझै ४८ घण्टासम्म लगातार पानी पर्ने र मध्य पहाडी क्षेत्रमा भारी वर्षाको सम्भावना रहेको उल्लेख गरेका छन् ।
जल तथा माैसम पूर्वानुमान महाशाखाले देशभरी नै वर्षा जारी रहेका कारण नदी किनार तथा कमजाेर भुगाेल भएकाे ठाउमा हिडडुल गर्दा सचेत अपनाउन सर्वसाधारणलाइ आग्रह गरेको छ ।
