साउन ७, काठमाडौं । आजबाट साउने सोमबारको ब्रत शुरु भएको छ । हिन्दु नारीहरुले ब्रत बस्ने साउनको सोमबार यस महिना आज साउन ७ गते परेको छ । साउनको हरेक सोमबार भगवान महादेवको पूजा आराधना गर्नेले चिताएको पुग्ने जनविश्वास रहेको छ ।
साउने सोमबार देशका शिवालमा भक्तजनको बिहानै देखि भिडभाड लाग्ने गरेको छ । यस्तै हिन्दु नारीहरुले साउन महिना लागैसँंगै हातमा मेहेन्दी लगाउने , हरियो लुगा र हिरियो पहेलो चुरा लगाइ साकाहारी भोजन गर्ने प्रचलन रहेको छ ।
साउने सोमबारको ब्रत र भक्तजनको भिडभाडलाई मध्यनजर गर्दै आराध्य देव श्री पशुपतिनाथ मन्दिरका चारवटै ढोका खोलिएको छ ।
भक्तजनको सहजताका लागि बिहानैदेखि मन्दिरका चारवटै ढोका खोलिएका जनाइएको छ । यो वर्ष साउनका चारवटा सोमबार परेको छ ।
