असार २७, काठमाडौं । सामाजिक सुरक्षा भत्ताका लागि सरकारफे साउन १ गतेदेखि अनिवार्य लागू गर्न लागेको राष्ट्रिय परिचयपत्र अभियान तत्कालका लागि स्थगित गरेको छ। तयारी पुरा नभएको भन्दै सरकारले उक्त निर्णयबाट पछि हटेको हो ।
विहिबार बसेको मान्त्रिपरिषदको निर्णय सार्वजनिक गर्दै सञ्चारमन्त्री रेखा शर्माले अविरल वर्षाका कारण आएको बाढी पहिरोले गर्दा राष्ट्रिय परिचयपत्र बनाउन आवश्यक विवरण लिन नसकेको भन्र्दै उक्त निर्णय तत्काल लागून नगर्ने बताइन ।
यसअघि सरकारले विभिन्न २८ वटा जिल्लामा सामाजिक सुरक्षा भत्ता लगायतको सुविधानका लागि साउन १ गतेदेखि राष्ट्रिय परिचयपत्र अनिवार्य लागू गर्ने निर्णण गरेको थियो ।
अब अर्को सूचना नआउदासम्म झापा, मोरङ, सुनसरी, उदयपुर, सप्तरी, सिरहा, धनुषा, महोत्तरी, बारा, पर्सा, रौतहट, सर्लाही, काठमाडौँ, भक्तपुर, ललितपुर, सिन्धुली, मकवानपुर, चितवन, कास्की, तनहुँ, रुपन्देही, कपिलवस्तु, दाङ, बाँके, बर्दिया, सुर्खेत, कैलाली र कञ्चनपुरमा आगामी साउन १ गतेदेखि माथि उल्लेखित सरकारी सेवा लिन राष्ट्रिय परिचयपत्र आवश्यक नपर्ने भएको छ ।
