काठमाडौं । नेपाल निर्माण व्यवसायी महासंघले असार मसान्तसम्म व्यवसायीका सबै बाकी रकम भुक्तानी गर्न माग गरेका छन् ।
बिहीबार एक पत्रकार सम्मेलन मार्फत निर्माण व्यवसायीहरुको बाँकी रकम भुक्तानी असार मसान्तभित्र दिनुपर्ने माग राखेका छन् ।
निर्माण व्यवसायीहरुले निर्माण कार्य सम्पन्न गरे बापत्को गत आर्थिक वर्ष २०७९/८० र चालू आर्थिक वर्ष २०८०/८१ को ठूलो रकम असार मसान्त भइसक्दा समेत रकमानार र भुक्तानी फुकुवा नभएको महासंघले जनाएको छ । त्यसप्रीत संघले पुनः सरकारको ध्यानाकर्षण गराएको संघले जनाएको छ ।
निर्माण व्यवसायीहरुको अरबौ रकम भुक्तानी नहुँदा ‘सप्लाई चेन’ नै अस्तव्यस्त भएका संघले जनाएको छ । सरकारले भुक्तानी नदिँदा निर्माणसंग सम्बन्धित उद्योगहरु नै बन्द हुने स्थिति रहेको व्यवसाय संघले जनाएको छ।
‘यसरी व्यवसायीहरूलाई समयमा भुक्तानी नदिने हो भने राज्यबाट ठेक्का लगाउने परिपाटी नै गलत भएको नजिर स्थापित हुनु राज्यका लागि नै दुःखद हो’, महसंघले भन्यो ।
सरकारले भुक्तानी गर्न बाकि रकमलाई रकमान्तर तथा मन्त्रालयगत बजेट सूचना प्रणाली स्वीकृत गरी सबै बाँकी रकम भुक्तानी असार मसान्तसम्ममा उपलब्ध महासंघले जोडदार माग गरेको छ । असार मसान्तसम्म व्यवसायीहरूको सकै रकम भुक्तान गर्ने गरी भुक्तानी निकासा फुकुवाको व्यवस्था गर्न महासंघले अनुरोध गरेको छ।
