काठमाडौँ । असार १७, सन् २०२४ को जुन महिनामा ७६ हजारभन्दा बढी पर्यटक नेपाल आएका छन् ।
पर्यटन बोर्डले सार्वजनिक गरेको तथ्याङ्क अनुसार सन् २०२४ को जुन महिनामा ७६ हजार ७३६ पर्यटक नेपाल आएका हुन् । यससँगै सन् २०२४ को ६ महिनामा ५ लाख ८३ हजार १६ पर्यटक भित्रिएका हुन्।
बोर्डको तथ्याङ्क अनुसार जनवरीमा ७९ हजार एक सय, फेब्रुअरीमा ७९ हजार ४२६, मार्चमा एक लाख २८ हजार १६७, अप्रिलमा एक लाख ११ हजार ३७६ र मे मा ९० हजार २११ पर्यटक भित्रिएका थिए।
जुन महिनामा सबैभन्दा धेरै ३७ हजार ८३५ भारतीय पर्यटक भित्रिएका छन्। त्यस्तै अमेरिकाबाट ८ हजार २८१, चीनबाट ७ हजार ४९४, बंगलादेशबाट ३ हजार ८५७, बेलायतबाट एक हजार ९६९, अष्ट्रेलियाबाट एक हजार ५८९ पर्यटक भित्रिएका छन् ।
