चैत १४, सिन्धुली । कमलामाई नगरपालिकाले विभिन्न कार्यक्रमगरी २७औँ स्थापना दिवस मनाएको छ ।
सिन्धुलीमाढीमा बुधाबार आयोजित कार्यक्रममा नगरपालिकाले नगर क्षेत्रमा आर्थिक वर्ष ७९/८० मा सर्वाधिक बहाल कर तिर्ने कदाताको रुपमा श्री अचुतम प्रसाद गजुरेललाई सम्मान गरेको छ । सर्वाधिक सम्पत्ति कर तिर्ने करदाता श्री उदय बिक्रम थापा र उद्योगका तर्फबाट अग्नि ईन कर्पोरिट प्रालिलाई सम्मान गरेको छ ।
यस्तै, नगरका १४ वटै वडाका उत्कृष्ट कृषकलाई नगद पुरस्कार र प्रमाण पत्र सहित सम्मान गरेको छ ।
नगरपालिकको स्थापना दिवसका अवसरमा आयोजित विभिन्न खेलमा प्रथम हुने टिमलाई प्रमाणपत्र, नगद र ट्रफि वितरण गरेको थियो ।
गर्मीयाम सुरूभएसँगै दुध तथा दुग्ध पदार्थको प्रवर्धन र प्रयोग गर्न जोडदिदै सहभागिलाई मोही बाडिएकाे थियाे । नगरपालिकाले दुध तथा दुग्धजन्य पदार्थको प्रयाेगमा जाेड दिन विविध कार्यक्रममा दुध, दहि, ध्यु, पनिर, खुवा, माेही लगायतकाे दुग्ध पदार्थको प्रयाेगमा जाेड दिईरहेकाे छ ।
कार्यक्रममा नगर प्रमुख, जिल्ला समन्वय समिति प्रमुखसहित विभिन्न संघसस्थाका प्रतिनिधिको उपस्थिपति रहेको थियो ।
