फागुन १०, काठमाडौं । काठमाडौंको चन्द्रागिरी पर्वतमा हिमपात भएको छ ।
बिहिबार अपराह् परेको वर्षापछि चन्द्रागिरी क्षेत्रमा हिउँ परेको हो ।
हिमपात भएका तस्बिरहरु सामाजिक सञ्जालमा राख्दै चन्द्रागिरी हिल्स प्रालीले चन्द्रागिरी क्षेत्रमा हिउँ परेको जनाएको छ ।
यस्तै, दोलखाको कालिञ्चोक र शैलुङ्गमा पनि सामान्य हिउँ परेको दोलखाका पत्रकार चिरञ्जीबी मास्केले जनाएका छन् ।
मकवानपुरको प्रमुख पर्यटकीय क्षेत्र सिमभञ्ज्याङमा पनि दुई वर्षपछि बाक्लो हिमपात भएको छ । हिउँ परेसँगै सिमभञ्ज्याले आन्तरिक पर्यटकलाई स्वागत गरेको छ ।
