७ माघ, काठमाडौं । माइतीघर मण्डलामा लगाइएको निषेधाज्ञा हटाउन माग गर्दै नेपाल विद्यार्थी संघले प्रदर्शन गरेको छ ।
नेविसंघले आइतबार बिहान माइतीघरमा गरेको प्रदर्शनमा कार्यकर्ताहरुलाई प्रहरीले नियन्त्रणमा लिएको छ ।
निषेधित क्षेत्रमा भेला भएर विरोध प्रदर्शन गरेपछि उनीहरुलाई प्रहरीले पक्राउ गरेको हो ।
उनीहरुले माइतीघरको निषेधाज्ञा खारेज गर्, अभिव्यक्ति स्वतन्त्रता कायम गर् लगायतका प्लोकार्डसहित नाराबाजी गरेका थिए ।
