काठमाडौं । ‘सडकमै खाऔँ सडकमै रमाऔँ’ नारासहित पोखरामा २५ औं पोखरा सडक महोत्सव सुरू भएको छ।
अंग्रेजी नयाँ वर्षको पूर्वसन्ध्यामा हरेक वर्ष यो महोत्सव हुने गरेको छ।पोखराको हल्लन चोकबाट विभिन्न सांस्कृतिक झाँकी, परम्परागत पन्चे बाजासहित महोत्सवले आफ्नो सुरूवात गरेको हो।
२५ औं बर्षदेखि हुँदै आइरहेको पोखरा महोत्सवमा यहाँका स्थानिय भेषभूषा रहनसहन लगायत यहाँका ६५ परिकार भन्दा बढि खानाका परिकारहरुको स्वाद समेत लिन सकिने र विभिन्न हस्तकला लगायतका स्टलहरु महोत्सवमा रहेको कुरा रेष्टुरेन्ट तथा बार एशोसियशन नेपाल (रेवान) का अध्यक्ष नरेश भट्टराईले जानकारी गराउनु भयो ।
महोत्सवलाई रेष्टुरेन्ट तथा बार एशोसियशन नेपाल (रेवान) ले आयोजना गर्ने गरेको छ। डिसेम्बर २८ देखि जनवरी १ तारिखसम्म चल्ने यो महोत्सवमा कोमा जाने विभिन्न सांस्कृतिक सांगितिक, विभिन्न मनोरञ्जनात्मक कार्यक्रमहरू हुने गरेको छ भने लेकसाइडको करिब ३ किलोमिटर सडकखण्डमा त्यहाँका रेष्टुरेन्टहरूले आफ्ना पकवानहरू पस्किने गरेका छन्।
महोत्सवमा रेवानले एड साथी तथा स्वर्णिम इन्टरटेन्मेन्टसँग व्यवस्थापकिय सहकार्य र नोस्टाल्जिक-थ्रीु सँग फूड कोर्ट पार्टनरका रुपमा सहकार्य गरिरहेको छ।
