रुसको सुदूरपूर्वमा ५०० वर्षभन्दा बढी समयपछि पहिलोपटक ज्वालामुखी विस्फोट भएको छ।
विज्ञहरूले यो ज्वालामुखी गत हप्ता गएको शक्तिशाली भूकम्पसँग सम्बन्धित हुन सक्ने बताएका छन्।
कामचटकाको क्रासेनिनिकोभ ज्वालामुखीले लगभग ६ किलोमिटर उचाइसम्म खरानी फ्याँक्यो।
रुसको आपतकालीन मन्त्रालयले मानिस भएका क्षेत्रमा कुनै खतरा नभएको बताएको छ।
केही घण्टापछि रुसमा गएको अर्को ठूलो भूकम्पले प्रायद्वीपका तीन क्षेत्रमा सुनामी चेतावनी जारी गरियो।
रुसमा आइतबार फेरि भूकम्प गएको हो।
जर्मन रिसर्च सेन्टर फर जियोसाइन्सेस (जीएफजेट) का अनुसार कामचट्का क्षेत्रमा ६.८ र कुरिल टापुमा ६.७ म्याग्निच्युडको भूकम्प गएको हो।
यसअघि बिहीबार (जुलाई ३१) मात्र रुसमा ८.८ म्याग्निच्युडको भूकम्प गएको थियो। जुन १९५२ पछि यस क्षेत्रमा सबैभन्दा शक्तिशाली भूकम्प थियो।
उक्त भूकम्पले रुससहित जापान, अमेरिका, चीनसहित धेरै देशमा सुनामीको चेतावनी जारी गरिएको थियो।
तर त्यस भूकम्पले केही घर भत्किए पनि अन्य क्षतिको खबर अहिलेसम्म आएको छैन।
आजको भूकम्पले पनि अहिलेसम्म कुनै क्षति भएको कुरा आइसकेको छैन।
