- खगेन्द्र फुयाल
सिन्धुली । दुधौली नगरपालिका वडा नंम्बर १ का खिलबहादुर भुजेल मजदुरीको सिलशीलामा काठमाडौं थिए । काठमडौंमा काम राम्रो कमाइ नभएपछि उनि कामकै खोजिमा पोखारामा भौतारीदै थिए ।
अचानक एकदिन एउटा कालो कारमा आएका व्यक्तिहरुले काम लगाइदिने प्रस्ताव लिएर आए । काम नपाएको झोकमा उनि छुपचाप गाडीमा बसे, गाडी निरन्तर चलिरहयो ।
कालान्तरमा त्यही यात्राले उनलाइ काम दिए बरु जिन्दगीनै मोडिने पीडा दियो ।
पोखरामा रहेका खिलबहादुर केही महिना यता घरपरिवारको सम्पर्कमा पनि थिएनन । अचानक गत आइतबार घर पुगेका खिलबाहदुर परिवारबिच खुसी साट्ने अवस्थामा थिएनन।
मुहारमा रुचे हासो प्रस्टै देखिन्थ्यो, पीडाका साथ उनि केही भन्न खोजिरहेका थिए । उनको कम्मरमाथि नमिठो पीडा भइरहेको थियो, जहा ब्यान्डेज टासएको थियो।
त्यो रात उनी घाउ दुखेर निदाउन सकेनन्न । भोलिपल्ट डकाहामा रहेको समिट माउन्टेन हस्पिटल चेक गर्दा उक्त ठाउमा ३० वटा टाका लगाइएको देखियो । पछि डाक्टरले भिडिओ एक्सरे गर्दा देब्रेतीरको मीर्गौला निकालिएको पत्ता लाग्यो ।
उनि यस घटना बारेमा आफुलाइ केही थाहा नभएको बताउछन् । पोखरामै चक्कर लागेकोसम्म थाहा छ उनलाई । महिनादिन जति सम्पर्कविहीन भएका उनि पछी होस खुल्दा कलंकीमा भेटिएको बताउछन् । काठमाडौंमा रहेको साथीलाई भेटेर आफ्ना सारा दुख साटेपछि साथीले दिएको पन्द्रसयले उनि गाउँसम्म पुगेको बताउछन्।
परिवारको आयस्रोत कमजोर रहेका खिलबहादुर मजदुरी गरी जसोतसो जीविका चलाउदै थिए । आफैमाथि भएको यो अन्याय र जटिल स्वास्थ्य अवस्थाका कारण भविष्यको चिन्तामा रहेका छन् ।
