काठमाडाैं । पोखरामा भएको विमान दुर्घटनामा ज्यान गुमाएकाहरुको सम्झनामा काठमाडाैंकाे बौद्धनाथ स्तुपा परिसरमा दीप प्रज्वलन गरिएको छ।
विमान दुर्घटनामा मृत्यु भएकाहरुको चीर शान्तिको कामना गर्दै सोमबार स्थानीय तथा भक्तहरूले साँझ दीप प्रज्वलन गरेका हुन।
आइतबार पोखरामा यती एयरलाइन्सको विमान दुर्घटना भएको थियो। अहिलेसम्म दुर्घटनामा ६९ जनाको मृत्यु भएको पुष्टि भएको छ। तीन जनाको अवस्था भने अझै अज्ञात छ। खोजी कार्य अहिले पनि चलिरहेको छ।
चार जना चालक दलका सदस्यसहित ७२ जना सवार भएको विमान आइतबार बिहान करिब ११ बजेतिर पोखराको सेती नदी खोंचमा दुर्घटना भएको थियो।
