काठमाडौं । भारतको पूर्वी राज्य ओडिशाको बालासोर जिल्ला नजिकै शुक्रबार भएको रेल दुर्घटनामा परी २३० भन्दा बढि यात्रुको मृत्यु भएको वीवीसीले जनाएको छ । दुर्घटनामा परी ९०० भन्दा बढी यात्रु घाइते भएको बीबीसी जनाइएको छ ।
हावडा–चेन्नई कोरोमण्डल एक्सप्रेस मालगाडीसँग ठोक्किएपछि दुर्घटना भएको छ । साथै, अर्कोतर्फबाट आउँदै गरेको यशवंतपुर–हावडा सुपरफास्ट रेल पनि ठोक्किएको थियो ।
ओडिशाका मुख्य सचिव प्रदीप जेनाले ट्वीट गर्दै यस दुर्घटनामा मृत्यु हुनेको संख्या २३३ पुगेको बताएका छन् । दुर्घटनामा परी करिब ९०० जना घाइते भएको बताइएको छ ।
ओडिशाका मुख्यमन्त्री नवीन पटनायकले आज एक दिने राज्यमा शोकको घोषणा गरेका छन् ।
भारत भ्रमणका क्रममा रहेका नेपालका प्रधानमन्त्री पुष्पकमल दाहाल प्रचण्डले ओडिशा रेल दुर्घटनाप्रति दुःख व्यक्त गरेका छन् ।
