सिन्धुली । शुक्रबारदेखि बीपी राजमार्ग बृहत सरसफाई कार्यक्रम सुरु भएकाे छ । राजमार्ग सफा राख्ने उदेश्यका साथ प्रत्येक साताको शुक्रबार सरसफाई गरी राजमार्गलाई सफा र सुन्दर बनाउने बताइएको छ ।
पहिलो चरणमा कमलामाइ नगरपालिका ६ को शिवनगरदेखि शिखरटोल, शान्तिनगर, रातमाटा, राम्माडी, ढुंग्रेवास, टारी हुँदै हिरापानीसम्मको सडकमा रहेको फोहोर हटाइएको छ । कमलामाइ नगरपालिकाका मेयर उपेन्द्र पोखरेलले दुईवटा टोली बनाएर चार किलोमिटर सडक सफाई गरिएको बताए ।
कमलामाई नगरपालिका, वन डिभिजन र जिल्ला प्रहरी कार्यालयको आयोजनामा भएको सरसफाई कार्यक्रममा राजमार्ग आवतजावत गर्ने भाडा तथा निजी सवारी साधनलाई रोकेर प्लास्टिकजन्य सामग्री र अन्य फोहोर जथाभावी नफ्याँक्न आग्रह गरिएको थियो ।
