काठमाडौं । प्रविधि पत्रकार मञ्चको अध्यक्षमा उमेश पौडेल निर्विरोध निर्वाचित भएका छन् । शुक्रबार काठमाडौंमा सम्पन्न भएको १०औ वार्षिक साधारणसभाबाट पौडेल निर्विरोध अध्यक्षमा निर्वाचित भएका हुन् ।
मञ्चको उपाध्यक्षमा पूर्णभक्त दुवाल निर्वाचित भएका छन् भने सचिवमा उन्नत सापकोटा निर्वाचित भएका छन् । यस्तै कोषाध्यक्षमा अनिल न्यौपाने र सह-सचिवमा रक्षा रेग्मी निर्विरवध निर्वाचित भएका छन् ।
संस्थाको सदस्यमा अभिशेक गुप्ता, कमल केसी, गणेश सुवेदी, प्रकाश चन्द्र जोशी, सजना बराल र हिक्मत आचार्य सर्वसम्मत रुपमा चयन भएका हुन् ।
नवनिर्वाचित अध्यक्ष पौडेलले संस्थाको हित र प्रविधिको पक्षमा सदैव डटेर लाग्ने प्रतिबद्धता व्यक्त गरे । उनले भने, ‘ संस्थाको गरिमालाई डग्मगाउन दिने छैन । प्रविधिको पक्षमा हामी डटेर लाग्ने छौं।’
