काठमाडाै । प्रधानमन्त्रीको सल्लाहकार हुँ भन्दै ठगी गर्ने राजेन्द्रप्रसाद खनालसहित दुईजना पक्राउ परेका छन्।
काठमाडौं उपत्यका अपराध अनुसन्धान कार्यालयले ४५ लाख रुपैयाँ ठगीको आरोपमा काठमाडौं नागार्जुनका खनाल र उनका सहयोगी विशाल खनाललाई आइतबार पक्राउ गरेको हो।
प्रहरीका अनुसार उनीहरूले आफू प्रधानमन्त्रीको सल्लाहकार भएको र राजनीतिक पहुँचका आधारमा नाफा हुने गरी विभिन्न व्यवसायमा लगानीका नाममा पैसा लिएर ठगी गरेका हुन्। उनीहरूविरुद्ध इलाका प्रहरी कार्यालय दमकमा ठगी मुद्दा दर्ता रहेको छ। खनालद्वय पीडितको ४५ लाख तथा जिपसमेत लिएर फरार भएको प्रहरीले जनाएको छ।
