काठमाडौं । मंसिर २, दक्षिण एसिया अन्तराष्ट्रिय पुस्तक प्रदर्शनीको २०२३ मंसिर ५ देखि ९ गतेसम्म भृकुटी मण्डप काठमाडौंमा आयोजना हुने वृहत पुस्तक प्रदर्शनीका लागि सम्पूर्ण तयारी पूरा भएको आयोजक नेपाल पुस्तक तथा स्टेशनरी व्यवसायी महासंघले जनाएको छ ।
” सामाजिक रुपान्तरणका लागि शिक्षामा नयाँ अभियान हात हातमा पुस्तक घर घरमा पुस्तकालय बनाऔं “ भन्ने मूल नाराका साथ पुस्तक प्रेमीहरुका लागि सुनौलो अवसरका रुपमा भृकुटीमण्डप जाऔं ज्ञानको भण्डार फराकिलो पारौ भन्ने अभिप्रायले आऊँदो मंसिर ५ देखि ९ गते सम्म दक्षिण एसिया अन्तराष्ट्रिय पुस्तक प्रदर्शनीको २०२३ को आयोजना हुन लागेको हो ।
मेलाको मुख्य आकर्षणका रुपमा :
. नेपाल, चीन, भारत, बड.लादेश , श्रीलंका, इजिप्ट, इन्डोनेसिया, बेलायत, अमेरिका लगायत देशका लेखक तथा प्रकाशकका विश्वस्तरीय पुस्तक
. विश्वस्तरीय स्टेशनरी मसलन्द तथा खेल सामग्री
. स्देश तथा विदेशका विख्यात व्यक्तित्वहरुसँग अन्तरक्रिया
उक्त अवसरमा पुस्तक विमोचन, परिचर्चा, लेखक पाठक साक्षात्कार एवं लेखक हस्ताक्षर कार्यक्रम समेत रहेको आयोजकले जनाकारी गराएको छ ।
