स्वास्थ्य तथा शिक्षा क्षेत्र सुधारका लागि पाँच दिनदेखि सत्याग्रहमा रहेका वरिष्ठ डा.गोविन्द केसीको स्वास्थ्य अवस्था गम्भिर हुदै गएको छ ।
हाल उहाँमा टाउको दुख्ने, थाकन, रिङगटा लाग्ने, स्वास फेर्न गारो हुने, शरिरको मांशपेशी दुख्ने , मुटुको धड्कन तलमाथि हुने जस्ता समस्या देखिन थालेका छन् । सेति प्रादेशिक अस्पताल धनगढीका अनुसार शरिरमा पोषण तत्व र पानीको अभावले ज्यान जोखिममा रहेको जनाएको छ ।
भदौं २७ गतेदेखि २०औं सत्याग्रहमा रहेका डा.केसी धनगढी एलएनचोकस्थित कृष्णमन्दिरको धर्मशालामा अनशन बसिरहेका छन् ।
डा.केसी अनसन बसेको पाँचौदिनसम्म आइपुग्दा सरकार उहाँका माग सम्बोधन गर्न गम्भिर देखिएको छैन ।
यस्ता छन् डा.केसीका मागहरु ।
१। स्थानीय निकायको बजेटको कम्तिमा आधा हिस्सा स्वास्थ्य र शिक्षा क्षेत्रमा लगानी गर्ने व्यवस्था गरियोस ।
जनसंख्याको वृद्धि अनुसार सरकारी स्वास्थ्य केन्द्र र अस्पतालहरुको निर्माण, स्तरोन्नति, र गुणस्तर वृद्धि सुनिश्चित गरियोस ।
२। स्वास्थ्य विज्ञान प्रतिष्ठानसम्बन्धी छाता ऐन जारी गरियोस । आवश्यक कानुनी व्यवस्था गरी गेटा मेडिकल कलेजलाई तत्काल सञ्चालन गर्ने व्यवस्था गरियोस ।
दाङ लगायत मधेश र गण्डकी प्रदेशमा तुरुन्त सरकारी मेडिकल शिक्षण संस्था निर्माण शुरु गरियोस, ता कि चिकित्सा शिक्षा ऐनअनुसार २०८० सालसम्म सबै प्रदेशमा त्यस्ता संस्था सञ्चालनमा आउन ।३। सार्वजनिक पदमा बस्नेहरुको स्वार्थको द्वन्द्व रोक्न तत्काल कानुनी व्यवस्था गरियोस ।
४। प्रतिष्ठान र विश्वविद्यालयका पदाधिकारी नियुक्तिको मापदण्डसहित ऐनको व्यवस्था गरियोस् । भागवण्डाका आधारमा अनियमिततापूर्वक हालै बीपी कोइराला स्वास्थ्य विज्ञान प्रतिष्ठानमा गरिएका नियुक्तिहरु तत्काल सच्याइयोस ।
५। चिकित्सा शिक्षा ऐन बमोजिम विसं। २०८५ भित्र नेपालका मेडिकल शिक्षण संस्थाहरुलाई गैर–नाफामुलक बनाउने व्यवस्थाको कार्यान्वयन गरियोस ।
६। चिकित्सा शिक्षा आयोगको कार्य सम्पादनमा हुँदै आएको हस्तक्षेप रोकी तत्काल कर्मचारी नियुक्तिका लागि सांगठनिक संरचना मन्त्री परिषद्बाट पारित गरियोस ।
७। जलबायु परिवर्तनको मार र खनिज ऊर्जा निर्भरता कम गर्न विद्युतीय सवारी साधनको प्रयोग र विस्तार गर्ने व्यवस्था गरियोस ।
