काठमाडौं । नेपाली भान्षमा टिमुरको प्रयोग हिजआज बढ्ना थालेको छ । टिमुरको प्रयोग अचारमा बढी हुनेगर्दछ । यो मासुका विभिन्न परिकारमा पनि प्रयोग हुन्छ । छोइला लगायतका परिकारमा पनि हालिन्छ ।
नेपालमा टिमुरलाई विभिन्न औषधिका रूपमा प्रयोग गरिन्छ । हैजा, ज्वरो र पेटको विकार ठीक गर्न टिमुर लाभदायी हुन्छ । यस्तै जनावरको पेट ढाडिदा पनि टिमुरको प्रयोग गरेको पाइन्छ ।
चिनमा टिमुरकाे अत्याधिक प्रयाेग हुने गरेकाे पाइन्छ । टिमुर समुन्द्री सतहबाट १२ सय देखि १८ सय उचाइसम्म पाइन्छ ।
टिमुरको बोक्रा, फल र बिउलाई दन्तमञ्जन, साबुन, अत्तरको रूपमा प्रयोग गरिन्छ ।
जंगली जुका खसाल्न तथा जैविक विषादी बनाउँदा टिमुरको प्रयोग हुँदै आएको छ ।
गाउँघरतिर टिमुरको तेल मर्किएको ठाउँ, टाउको दुख्दा र पिनास हुँदा प्रयोग गर्ने गरिन्छ ।
