माघ २, काठमाडौँ । कार्टुनिस्ट रवि मिश्रले एकल काटुर्न प्रदर्शनी गर्ने भएका छन् । काठमाडौंको नयाँ बानेश्वरस्थित एनबी सेन्टरमा रहेको उमोजा क्याफेमा बिहीबारदेखि ’डिपेक्सन’ शीर्षकमा १० दिने प्रदर्शनी गर्ने भएका हुन् ।
विगत १७ वर्षदेखि विभिन्न अखबार तथा म्यागेजिनहरुमा करिव ३ हजार कार्टुन प्रकाशित मिश्रले पहिलापटक एकल प्रदर्शनी गर्न लागेका हुन ।
पत्रपत्रिकामा प्रकाशित भएका विभिन्न काटुर्न मध्ये केही यस प्रदर्शनीमा राखिने मिश्रले बताए । उनले यो प्रदर्शनीलाई डिपेक्सन नाम दिएका छन् । डिपेक्स आफुले देखेको नेपाली समाज भएको उनेले बताए ।
उनले भनेका ‘छन् पत्रिकाको माध्यमबाट एकोहोरो संवाद गरिरहेको म यो प्रदर्शनी मार्फत दोहोरो संवाद गर्न खोज्दै छु । कार्टुन एकतर्फी सञ्चार मात्र होइन, संवाद पनि हो भन्ने मेरो विश्वास छ ।’
मिश्र कार्टुन आफ्ना लागि चित्रमात्रै नभइ विचार, भावना र हास्य व्यक्त गर्ने माध्यम रहेको बताउँछन् । ’वास्तविकतालाई रचनात्मक तवरमा चित्रण गर्ने विधि हो कार्टुन । मेरा लागि कार्टुन समाजसँग अन्तरक्रिया गर्ने माध्यम हो । अन्तरक्रिया मजेदार होस भनेरै म कार्टुन लिएर यहाँ आएको छुँ, ’उनले भने, ’वर्तमानमा मैले देखेको समाजको दृश्य कोर्छु म कार्टुनमा ।
वर्तमानका कतिपय घटना, परिवेश, पात्र, प्रवृत्ति र विचारसँगको असहमति पनि हुन् मैले बनाउने कार्टुन ।’
