काठमाडौं । नेकपा एमालेका अध्यक्ष खड्गप्रसाद ओली सहितको टोली मंगलबार राती कम्बोडिया प्रस्थान गरेको छ ।
कम्बोडियामा हुन गइरहेको निर्वाचन पर्यवेक्षणका लागि कम्बोडिया सरकारको निमन्त्रणामा पूर्वप्रधानमन्त्री ओली त्यसतर्फ गएका हुन्।
अध्यक्ष खड्गप्रसादको भ्रमणदलमा पत्नी राधिका शाक्य, उपमहासचिव विष्णु रिमाल, प्रमुख स्वकीय सचिव राजेश बज्राचार्य, स्वकीय फोटोग्राफर दिनेश भण्डारीलगायत सहभागी छन् । ओली साउन ८ गते स्वदेश फर्कनेछन्।
निर्वाचन परिवेक्षण कै लागि विदेश विभाग प्रमुख राजन भट्टराई पनि बुधबार कम्बोडिया जाने जनाइएकाे छ।
मंगलबार राति कम्बोडिया जानु अगाडि अध्यक्ष खड्गप्रसादले कार्यवाहक अध्यक्षको जिम्मेवारी इश्वर पोखरेललाई दिएको जनाइएको छ।
अध्यक्ष खड्गप्रसादले संसदीय दलको नेताको जिम्मेवारी उपाध्यक्ष सुवास नेम्वाङलाई दिएको जनाइएको छ ।
