काठमाडौं । हिन्दुहरुको पर्व महाशिवरात्री आज संसारभरी रहेका हिन्दुरहरुले महादेवको पूजाआरधना गरेर मनाउदै छन । शिवरात्रीका अवसरमा नेपालमा रहेका महादेवका मन्दिरहरुमा साधुसन्त तथा भत्तजनको भिड लागेको छ ।
काठमाडौंको पशुपतिनाथ मन्दिरमा बिहान ३ बजेदेखि भक्तजनको भिड लागेको छ । पूजालाई सहजता तुल्याउनका लागि पशुपतिनाथ मन्दिरका ४ वटै ढाेका खाेलिएकाे छ । पशुपति क्षेत्रबाट सवार हुने यातायातलाई बैकल्पिक मार्गको व्यवस्था गरिएको ट्राफिक प्रहरी कार्यालयले जनाएकाे छ ।
भक्तजनको सुविधा र सुरक्षाका लागि नेपाल प्रहरी, नेपाली सेना, सशस्त्र प्रहरी लगायत विभिन्न संघ संस्थाले सुरक्षा व्यवस्थापन, आकस्मिक स्वास्थ्य सेवा, खाने पानीको व्यवस्था गरेका छन् ।
