काठमाडौं । पश्चिमी र स्थानीय वायुको प्रभावका कारण सोमबार पनि देशका धेरै स्थानमा बदली भएको छ । अहिले सुदूरपश्चिम, कर्णाली, लुम्बिनी र गण्डकी प्रदेशको एक–दुई स्थानमा हल्का वर्षा भइरहेको छ ।
जल तथा मौसम विज्ञान, मौसम पूर्वानुमान महाशाखाका अनुसार आज दिउँसो काठमाडौं उपत्यका सहित देशैभर वर्षाको सम्भावना रहेको छ । मधेश प्रदेशका एक–दुई स्थानमा भने हावाहुरीको सम्भावना रहेको मौसम पूर्वानुमान महाशाखाले जनाएको छ । सोमबार राति सातै प्रदेशमा हल्का वर्षाको सम्भावना रहेको जनाएको छ ।
