काठमाडौं । राजधानीको फोहोर व्यवस्थापनमा समस्या गहिरिँदै जाँदा शहरी विकास, भौतिक पूर्वाधार र ऊर्जा मन्त्री कुलमान घिसिङ शनिबार बिहान बञ्चरेडाँडा पुगेका छन् ।
विगतमा सरकारसँग भएका १८ बुँदे सहमति कार्यान्वयन नभएको भन्दै स्थानीयले गत बुधबारदेखि फोहोर विसर्जन रोक्दै आएका छन् । स्थानीय अवरोधका कारण काठमाडौं महानगरपालिकाले नागरिकलाई घरबाहिर फोहोर ननिकाल्न अनुरोध गरेको थियो ।
गत शुक्रबार मन्त्रालयमा भएको बहुपक्षीय छलफल निष्कर्षविहीन भएपछि मन्त्री घिसिङ स्वयं स्थलमै गएर समस्या समाधानका लागि स्थानीय प्रतिनिधिसँग वार्ता गरिरहेका छन् ।
