नेपाल शैक्षिक परामर्श सेवा संघ (NECSA) द्धारा नेपालमै पहिलो पटक “कोरियन एजुकेसन फेयर” आयोजना गर्दै

काठमाडौं । कार्तिक १५, नेपाल शैक्षिक परामर्श सेवा संघ (NECSA) ले नेपालको शैक्षिक परामर्श क्षेत्रमै पहिलो पटक ‘कोरियन एजुकेसन फेयर’ आयोजना गर्ने आज काठमाडौंमा आयोजित पत्रकार सम्मेलन मार्फत जानकारी गराएको हो ।
पत्रकार सम्मेलनमा नेपाल शैक्षिक परामर्श सेवा संघ द्धारा (NECSA) का अध्यक्ष सन्तोष खनालले शैक्षिक मेला आगामी कार्तिक २२ गते शनिवार अर्थात नोभेम्बर ८ तारिखका दिन एभरेस्ट होटेल, नयाँ वानेश्वरमा बिहान १० बजे देखि साँझ ५ बजेसम्म सञ्चालन हुने बताउनुका साथै मेलाको मुख्य उद्देश्य नेपाली विद्यार्थीहरूलाई दक्षिण कोरियामा उच्च शिक्षा अध्ययनका अवसर, सम्भावना र भविष्यको मार्गचित्र बारे प्रत्यक्ष जानकारी दिने लक्ष्य रहेको बताउनु भयो।

सन् २०२५ मा स्थापित, नेपाल शैक्षिक परामर्श सेवा संघ (NECSA) एक गैरनाफामुखी छाता संस्था हो जसले शैक्षिक परामर्श क्षेत्रमा पारदर्शिता, सत्यनिष्ठा र उच्च पेसागत मानकलाई प्रवर्द्धन गर्दै आएको छ । विद्यार्थीको हित सुरक्षित गर्ने, उनीहरूको अधिकारको संरक्षण गर्ने र गुणस्तरीय शैक्षिक परामर्श सेवा प्रवर्द्धन गर्ने उद्देश्यसहित यस संस्थाले निरन्तर क्रियाशीलता देखाउँदै आएको छ । साथै, सरकारी निकायहरूसँग नियमित समन्वय गर्दै नीति निर्माणमा प्रभावकारी भूमिका निर्वाह गर्ने, सदस्य संस्थाहरूको सीप तथा ज्ञान अभिवृद्धि गर्ने र समग्र शैक्षिक परामर्श क्षेत्रको सामाजिक छवि उकास्ने कार्यमा ल्भ्ऋक्ब् कटिबद्ध रहेको कुरा अध्यक्ष खनालले बताउनु भयो ।

अध्ययन गन्तव्यका रूपमा दक्षिण कोरिया
हाल दक्षिण कोरिया नेपाली विद्यार्थीहरूका लागि एक आकर्षक अध्ययन गन्तव्यको रूपमा उदाउँदै गएको छ । विगत केही वर्षयता कोरियाली विश्वविद्यालयहरूले अन्तर्राष्ट्रिय विद्यार्थीमैत्री वातावरण, आधुनिक शैक्षिक पूर्वाधार, प्राविधिक दक्षता र अनुसन्धान – केन्द्रित शिक्षालाई प्राथमिकतामा राख्दै आएका छन् । नेपाल र कोरियाबिचको बढ्दो कूटनीतिक तथा शैक्षिक सम्बन्धले पनि यसलाई थप सहज बनाएको छ ।
त्यसैगरी, कोरियाली विश्वविद्यालयहरूले उपलब्ध गराउँदै आएका लचिलो प्रवेश प्रक्रिया, अभिभावक र विद्यार्थी दुवैलाई लक्षित पारदर्शी जानकारी तथा अध्ययनपछि रोजगारीका ठोस अवसरहरूले नेपाली विद्यार्थीको आकर्षण अझ बढाएको छ । कोरियाको उच्च जीवनस्तर, सुरक्षित सामाजिक वातावरण र प्राविधिक विकाससँगै प्राप्त हुने अन्तर्राष्ट्रिय अनुभवले विद्यार्थीलाई भविष्यमा विश्वव्यापी प्रतिस्पर्धामा सक्षम बनाउन महत्त्वपूर्ण योगदान पुर्याइरहेको
छ ।

अध्ययन गन्तव्यका रूपमा कोरियाका निम्न विशेषताहरू छन् :
१. अङ्ग्रेजी भाषामै स्नातक तह अध्ययन गर्न सकिने सुविधा
२. १०० प्रतिशत सम्म छात्रवृत्ति प्राप्त गर्ने अवसर र नपाउनेलाई समेत किफायती शुल्कमा अध्ययन गर्न सकिने व्यवस्था
३. शैक्षिक संस्थाहरु QS World Ranking मा समावेश, केही विश्वविद्यालय त विश्वकै शीर्ष २० भित्र पर्ने
४. अध्ययनसँगै part-time job गर्न सकिने, पढाइ पछि Post Study Work Visa (PSW), E7 Visa वा प्रत्यक्ष Working Visa प्राप्त गर्न सकिने अवसर
५. ‘Learn, Earn and Return’को अवधारणा पूरा गर्ने गन्तव्य (अध्ययन गर्न वा अन्य प्रयोजनका लागि विदेश गएका नेपाली युवाहरू स्वदेश नफर्किइरहेको वर्तमान अवस्थामा स्तरीय डिग्री प्राप्त गर्ने, पढाई पछि काम गरेर राम्रो कमाई गर्ने र स्वदेश फर्किने राम्रो गन्तव्य कोरिया हो ।)
६. जीवनयापन खर्च अन्य मुलुकको तुलनामा सस्तो

पहिलो ‘कोरियन एजुकेसन फेयर’

यसअघि नेपालमा यस किसिमको कोरियन शैक्षिक मेला आयोजना गरिएको थिएन । यस फेयरमा विद्यार्थीहरूले विश्वविद्यालयका आधिकारिक प्रतिनिधिहरूसँग प्रत्यक्ष भेटघाट गरी अध्ययन कार्यक्रम, शुल्क संरचना, छात्रवृत्ति अवसर, भविष्यका रोजगारी सम्भावना तथा सम्पूर्ण शैक्षिक वातावरणबारे प्रत्यक्ष जानकारी पाउनेछन् । यसले विद्यार्थीलाई भ्रमबाट टाढा राखी सही जानकारीका आधारमा आफ्नो भविष्यबारे सूचित निर्णय गर्न मद्दत पुर्याउनेछ । फेयरमा विभिन्न शुल्क संरचनाका शैक्षिक संस्थानहरूको विकल्प प्रस्तुत गरिनेछ, जसमा न्यूनतम प्रति सेमेस्टर करिब ५० हजार नेपाली रुपैयाँदेखि अधिकतम करिब ५ लाख नेपाली रुपैयाँसम्म पर्ने कार्यक्रम उपलब्ध हुनेछन् । यसले फरक-फरक आर्थिक पृष्ठभूमिका विद्यार्थीलाई आफ्नो क्षमता अनुरूप उपयुक्त अध्ययन अवसर छान्ने सहज वातावरण सिर्जना गर्नेछ ।
NECSA को Code of Conduct अनुरूप, यस फेयरले विगतमा केही व्यक्तिहरूद्वारा गरिएको भ्रामक गतिविधिका कारण कोरियन शिक्षा बजारमा फैलिएको अविश्वास हटाउने र पारदर्शिता कायम गर्ने उद्देश्य राखेको छ । यसका साथै, सहभागी विद्यार्थीहरूलाई आकर्षक गिफ्ट ह्याम्पर, १०० प्रतिशत सम्म छात्रवृत्ति, , on the spot admission जस्ता विशेष सुविधा उपलब्ध गराइनेछ ।

उक्त मेलामा ४ वटा कोरियन विश्वविद्यालयका प्रतिनिधिहरू(DAEWON UNIVERSITY COLLEGE, YEWON ARTS UNIVERSITY, DONG-EUI UNIVERSITY, NAMSEOUL UNIVERSITY)को प्रत्यक्ष उपस्थिति रहनेछ भने करिब ४० वटा कोरियन शिक्षा सम्बन्धी परामर्श सेवामा आबद्ध प्रतिष्ठित परामर्श संस्थाहरू सहभागी हुनेछन् । १५ जना गरिब तथा जेहेन्दार विद्यार्थीहरुलाई पूर्णरुपमा छात्रावृतिको व्यवस्था गरिनुका साथै, ५ हजार बढि विद्यार्थीहरुको उत्साहपूर्वक सहभागी हुने आयोजकले जानकारी गराए ।
पत्रकार सम्मेलनमा नेपाल शैक्षिक परामर्श सेवा संघ (NECSA) फेयरमार्फत विद्यार्थी, अभिभावक तथा सम्पूर्ण शैक्षिक समुदायलाई पारदर्शी, विश्वसनीय र गुणस्तरीय शैक्षिक जानकारी उपलब्ध गराई नेपालको शैक्षिक परामर्श क्षेत्रलाई अझ व्यवस्थित, अनुशासित र सम्मानित बनाउन सकिने विश्वास आयोजकले लिएको छ ।