काठमाडौं । शुक्रबार बिहान २ बजेर ५२ मिनेटमा सिन्धुपाल्चोकको भैरवकुण्ड केन्द्रविन्दु भएर आएको ६.१ म्याग्निच्युडको भूकम्पले जिल्लामा सामान्य क्षति पुगेको छ ।
सिन्धुपाल्चोकमा आत्तिएर भाग्नेक्रममा लड्दा एक जना कैदीको हात भाँचिएको छ । उनको जिल्ला अस्पतालमा उपचार भइरहेको छ । कोदारीस्थित प्रहरी चौकीको भित्ता चर्किएको जनाइएको छ । भोटेकोशी गाउँपालिका वडा नम्बर ३ स्थित दुगुनागढीमा पहिरो खसेको छ ।
अरु विवरण आउन बाँकी छ । प्रहरीले मातहतका सबै कार्यालयले सूचना संकलन तिब्र बनाएकाे जनाइएकाे छ ।
