काठमाडौं । मनकामना केबलकार कात्तिक २ गतेदेखि पुन सञ्चालनमा आउने भएको छ । मर्मत सम्भारका लागि असोज २९, ३० र कात्तिक १ गते केबलकार बन्द गरिएको थियो ।
केबलकारको तार फेर्नुपर्ने, लठ्ठाहरुलाई छोट्याउनुपर्ने लगायतका काम गर्नुपर्ने भएकाले तीन दिनका लागि सेवा बन्द गरेको मनकामना दर्शन प्रालिले जनाएको छ ।
उक्त कार्य असोज २९ र ३० गते सकिने र १ गते विश्राम गरेर कात्तिक २ गतेदेखि सेवा सुरु गरिने प्रालिले जनाएको थियो ।
