सिन्धुली । सिन्धुलीको मरिण गाउँपालिकाले विवाह पूर्व गाउँपालिकाको अनुमति लिनुपर्ने नियम लागु गरेको छ ।
आगामी मंसिर १ गतेदेखि लागु हुनेगरि साेमबार मरिण गाउँपालिकाले विवाह गर्नुपुर्व महिला र पुरुषको वडा कार्यालयमा उमेर यकिन सहित स्वीकृत लिनपर्ने जनाएको छ ।
बालविवाहको रोकथामकालागि गाउँपालिकाले शून्य सहनशीलता अपनाउने गाउँपालिकाले जनाएको छ ।
गाँउपालिकाले बाल विवाह न्यूनिकरणकालागि विवाह अघि स्नातक तह उत्तिर्ण गर्ने गाउँपालिकाभित्रका महिलाहरुलाई एक लाख रुपैयाँ पुरस्कार दिदैँ आएको छ ।
गाउँपालिकाको मातृशिशु सुरक्षा एवं संरक्षण कार्यविधि २०७९ अनुसार लैंगिक समानताका लागि सुत्केरीलाई पोषण खर्चबापत पाँच हजार दिदैँ आएको छ ।
मुलुकी देवानी (संहिता) ऐन, २०७४ को दफा ७० (घ) बमोजिम महिला र पुरुषको उमेर २० (बीस) वर्ष पूरा भएको हुनुपर्दछ ।
