बागमती प्रदेशस्तरीय खुला तेक्वान्दो लिग हुने

काठमाडौं । असार ३०, नेपालको लोकप्रिय खेल तेक्वान्दोलाई प्रवर्दन गर्ने उद्धेश्यका साथ तेक्वान्दो खेलका खेलाडीको क्षमता अभिवृद्धि गरी अन्तर्राष्ट्रिय प्रतियोगितामा उत्कृष्ट नतिजा ल्याउने उद्देश्यले बागमती प्रदेशस्तरीय खुला तेक्वान्दो लिगसञ्चालन गर्न लागिएको छ ।
वर्षमा चार पटक आयोजना हुने लिगबाट खेलाडीको वरीयता निर्धारण गरिनेछ । खेलाडीको वरीयता निर्धारणसहितको तेक्वान्दो प्रतियोगिता नेपालमै पहिलो पटक आयोजना गर्न लागिएको हो । बागमती प्रदेशस्तरीय खुला तेक्वान्दो लिग हरेक ३र३महिनामा सञ्चालन हुनेछ । जस अनुसार पहिलो लिग भाद्र, दोस्रो मंसिर, तेस्रो फागुन र चौथो लिग जेठमा आयोजना हुन लागेको हो ।
जिल्ला समन्वय समितिको संयोजन तथा बागमती प्रदेश तेक्वान्दो संघ र काठमाडौं जिल्लाका सबैपालिकाको संयुक्त आयोजनामा सञ्चालन हुने उक्त प्रतियोगीताको लिगमा पुरुषमा पाँच तथा महिलामा पाँच गरी १० तौल समूहमा प्रतिस्पर्धा हुनेछ । पुरुषमा ४६-५०, ५०-५४, ५४-५८, ५८-६३ र ६३-६८ केजी तौल समूहमा प्रतिस्पर्धा हुनेछ । यस्तै महिलामा ४०-४३, ४३-४६, ४६-४९, ४९-५३र ५३-५७ केजी तल समूहमा प्रतिस्पर्धा हुनेछ ।
लिगमा पहिलो हुनेले १० अंक, दोस्रोले ७ अंक र तेस्रो हुनेले ३ अंक पाउने छन् । हरेक लिगकाशीर्ष तीन स्थान हासिल गर्ने खेलाडीलाई अर्को लिगमा खान, बस्न र यातायात लगायतका खर्च आयोजकले बेहोर्ने जनाइएको छ । लिगभरिको प्रदर्शनका आधारमा उत्कृष्ट हुने खेलाडीलाई आकर्षक पुरस्कार प्रदान गरिने र हरेक लिगका विजेतालाई पदक तथा प्रमाणपत्रको पनि व्यवस्था गरिनुका साथै हरेक लिग सञ्चालनका लागि अनुमानित ४ लाख ५० हजार रुपैयाँ खर्च हुने कुरा प्रेस विज्ञप्ती मार्फत जानकारी गराइएको छ ।