नेपाल बिमा प्राधिकरणको सञ्चालकबाट राधा पोखरेल बाहिरिएकी छिन्।
चैतमा सञ्चालकमा नियुक्त भएकी पोखरेलले व्यक्तिगत कारण देखाउँदै पदबाट राजीनामा दिएकी हुन्। ‘व्यक्तिगत कारणले नै केही समयसम्म प्राधिकरणमा समय दिन नसक्ने भएपछि मैले राजीनामा दिएकी हुँ’, उनले भनिन्।
उनले प्राधिकरणको सञ्चालकको जिम्मेवारी पाएको साढे तीन महिना भएको छ। उनि सेयर लगानीकर्ता पनि हुन्। सरकारले उनलाई महिला सञ्चालकमा रूपमा नियुक्त गरेको थियो।
