काठमाडौं । नेपाल पत्रकार महासंघको नेतृत्व चयनका लागि यही मङ्सिर २८ गते हुने निर्वाचनमा क्रियाशील पत्रकारको संयुक्त प्यानलले विभिन्न पदमा उम्मेदवारी दिएको छ ।
केन्द्रीय निर्वाचन तालिका अनुसार शुक्रबार मनोनयन दर्ता गर्दै उनिहरुले विभिन्न पदमा उम्मेदवारी दिएका हुन ।
देवी प्रसाद सापकोटाकोले अध्यक्षको पदमा उम्मेदवारी दर्ता गरेका छन् भने जन्मदेव जैसीले महासचिवमा उम्मेवारी दिएका छन् ।
त्यस्तै कुमार ओझा खुल्ला सचिव, प्रविणकुमार चौधरी सचिव मधेशी त्यस्तै संतोष बराइली दलित सचिव र योगेश खपाङ्गी सचिव एसोसियट र टिकाराम प्रधानले सचिव आदिवासी जनजातिमा उम्मेदवारी दर्ता गरेका छन् ।
खुल्ला केन्द्रीय सदस्यमा फडिन्द्र फुयाल , केन्द्रीय सदस्य उपत्यका प्रदेशबाट मुक्ति आचार्य र केन्द्रीय सदस्य गण्डकी प्रदेशबाट उज्जवल पौडेलले उम्मेदवारी दर्ता गराएका हुन ।
दलगत गठबन्धनको नाममा महासंघलाई राजनीतिक दलको भ्रातृ संगठन हुनबाट जोगाउन र महासंघमा वास्तविक श्रमजीवी पत्रकारको नेतृत्वका लागि क्रियाशील पत्रकारको साझा मोर्चा बनाएर उम्मेदवारी दिएको खुल्ला केन्द्रीय सदस्य पदका उम्मेदवार फडिन्द्र फयालले बताए ।
