सिन्धुली । गोलान्जोर गाउँपालिस्थित घोक्सिला, किराते र तीनकन्यामा निर्माण भैरहेको स्वास्थ्य चौकी भवनको पालिका अध्यक्ष सहित प्राविधिक टोलिले अनुगमन गरेको छ ।
गोलान्जोर गाँउपालिका अध्यक्ष शंकरराज वराल सहितको प्राविधिके टोलीले शनिबार निर्माण स्थाल पुगेर निर्माण कार्यको अनुगमन गरेको हो ।
गैरसरकारी संस्था ब्याक टु लाइफ इभी जर्मनीको ४ करोड ७१ लाख रूपैयाँ बराबरको आर्थिक सहयोगमा स्वास्थ्य चौकी निर्माण भइरहेको छ । ब्याक टु लाइफ स्थानीय साझेदार संस्था समुदाय पद्धति विकास सेवा नामक गैरसरकारी संस्था रहेको छ ।
पालिकाका अध्यक्ष बरालले भवन निर्माणपछि उक्त स्वास्थ्य चौकीलाई आवश्यक पर्ने उपकरण जडान गरी गोलन्जोर गाउँपालिकालाई हस्तान्तरण हुने र गाउँपालिकाले स्वास्थ्य चौकी सञ्चालन गर्ने बताए ।
छिटै भवन निर्माणसँगै सेवा विस्ता भए स्थानीयलाई सहज र गुणस्तरीय स्वास्थ्य सेवामा सहयोग पुग्ने स्थानीयको भनाइ छ ।
