काठमाडौं । काठमाडौं महानगरपालिकाले टुँडिखेल र खुलामञ्च बीचको बाटोमा नहिंड्न आग्रह गरेको छ ।
सुरक्षा दिनुको सट्टा उक्त बाटो हिड्ने सर्वासाधारणलाइ असुरक्षाकाे कारण भन्दै राति ८ बजेदेखि बिहान ५ बजेसम्म आवतजावत गर्न रोक लगाएको महानगरले टुँडिखेल क्षेत्रमा टाँस गरेको सूचनामा उल्लेख छ ।
रातको समयमा उक्त बाटोमा अनैतिक क्रियाकलाप हुने, पैदल यात्रुहरु लुटिने घटना बढेको गुनासो आएपछि सो बाटो बन्द गरिएको महानगरको भनाइ छ ।
‘गैरकानुनी यौन व्यवसाय प्रेरित अनैतिक क्रियाकलाप गर्ने, पैदल हिंड्ने सर्वसाधारणलाई दुःख दिने, झोला, पर्स, कपडाहरु तानिदिने गुनासो आएपछि सुरक्षाका कारणले बाटो नै बन्द गर्नु परेको महानगरले जनाएको छ ।
