काठमाडाैं । राष्ट्रपति रामचन्द्र पौडेल बेहोश भएपछि अस्पताल भर्ना भएका छन्। मंगलबार बिहान छातीमा समस्या आएपछि उनलाई महाराजगञ्जस्थित शिक्षण अस्पतालमा भर्ना गरिएको छ।
अस्पतालकाअनुसार छातीरोग विशेषज्ञ डा. निरज बम नेतृत्वको टोलीले पौडेलको उपचार गरिरहेको छ। उनको अक्सिजन लेबल कम भएको अस्पताल स्रोतले जानकारी दिएको छ।
एक हप्ताअघि पनि उनी बिरामी परेर शिक्षण अस्पतालमै उपचार गरेर फर्किएका थिए।
राष्ट्रपति कार्यालय र अस्पतालले उनको स्वास्थ्य अवस्थाबारे औपचारिक रुपमा कुनै जानकारी दिएको छैन।
