काठमाडौं । वैशाख २८, युक्रेनका राष्ट्रपति भोलोदिमिर जेलेन्स्कीले रुसी सेनाविरुद्ध विशेष आक्रमण काउन्टर अफेन्सिभ गर्न थप केही समय चाहिने बताएका छन् ।
आफ्नो सेना पश्चिमी मुलुकहरूबाट प्रतिज्ञा गरिएको हतियार अझै नआइसकेका कारण काउन्टर अफेन्सिभ थाल्न समय चाहिने उनको भनाइ छ ।
यो आक्रमणले महिनौदेखि यथास्थितिमा रहेको युद्धको अग्रमोर्चा ९फ्रन्टलाइन० लाई नयाँ रुप दिने ठानिएको छ । यसका साथै पश्चिमा हतियारको सहयोगले युद्धक्षेत्रमा कति सफलता हात पार्न सक्छ भनेर युक्रेनका लागि यो परीक्षणको अवधि समेत हुनेछ ।
कीभमा आफ्नो मुख्यालयबाट बोल्दै राष्ट्रपति जेलेन्स्कीले नेटोले समेत तालिम प्रदान गरेको लडाकु युनिट लडाइँको लागि तयार भए पनि अझै केही हतियार चाहिएको बताएका हुन् ।
“हामीसँग अहिले जे छ त्यसैले अघि बढ्न सक्छौँ र मलाई लाग्छ हामी सफल हुनेछौँ,” उनले युरोपको सार्वजनिक सेवा प्रसारकसँगको अन्र्तवार्तामा भनेका छन्, “तर हामीले धेरै मानिसहरू गुमाउनेछौँ । मलाई लाग्छ कि यो अस्वीकार्य छ । त्यसैले हामीले पर्खनुपर्छ । हामीलाई अझै अलि बढी समय चाहिन्छ ।”
युक्रेनले कहिले र कहाँबाट काउन्टर अफेन्सिभ सुरु गर्नेछ भन्ने कुरा गोप्य छ ।
रुसी सेनाले लुहान्स्क र डोनेट्स्कको पूर्वी क्षेत्रहरूबाट दक्षिणमा जापोरिज्जिया र खेर्सनसम्म एक हजार ४५० किलोमिटर सम्मको फ्रन्टलाइनमा आफ्नो सुरक्षा बलियो बनाएको छ ।
युक्रेनी अधिकारीहरूले सार्वजनिक र निजी रूपमा काउन्टर अफेन्सिभको सफलताको अपेक्षा कम गर्ने प्रयास गरेका छन् ।यस महिनाको सुरुमा एक युक्रेनी वरिष्ठ सरकारी अधिकारीले उनीहरू सफल हुन आवश्यक भए पनि आक्रमणलाई सजिलो तरिकाले हेर्न नसकिने बताएका छन् ।
तर, रुसी राष्ट्रपतिले युक्रेनी सेना अगाडि बढ्न सक्ने विश्वास व्यक्त गरेका छन् । पश्चिमाले निराशाजनक देखे कुनै पनि नतिजाले सैन्य सहयोग घट्ने र रुससँग वार्ता गर्न दबाब पार्ने कीभको बुझाइ छ ।
युक्रेनी राष्ट्रपति जेलेन्स्कीले कुनै पनि देशले पुटिनलाई आफ्नो क्षेत्र दिएर आत्मसमर्पण गर्न नसक्ने बताएका छन् । युक्रेनलाई भुमी गुमाएकै अवस्थामा कसैले पनि आत्मसमर्पण गर्न दबाब दिन नहुने उनको भनाइ छ । – बीबीसी
