काठमाडौं । प्रत्येक बर्ष अश्विन शुल्कपक्ष प्रतिवदा तिथि अन्तरगत नवरात्र आरम्भ भएको हो । आज वैदिक सनातन हुन्दु धर्मालम्बीहलरुले घरघरमा घटस्थापना गरी जमारा राख्ने चलन रहेको रहेको छ ।
आजदेखि दश दिनसम्म दुर्गाभगवतीको पूजाआराधना गरी दशमिको दिनमा मन्यजनबाट टिका जमारा लगाउने चलन रहेको छ ।
असत्यमाथि सत्यको जितको प्रतिकका रुपमा वैदिक सनातन हिन्दुहरुले दशैँ मनाउदै आएका छन् ।
असोज २८ गते आज बिहान ११ बजेर २९ मिनेटमा घटस्थापनाको शुभ साईत रहेको छ ।
यो शुभ मुहूर्तमा स्थापना गरिएको कलशमा सम्पूर्ण ब्रह्माण्डका देवी देवताहरूको आवाहन गरी नवरात्र भरी माता दुर्गाजीको भिन्न (भिन्न स्वरूपको पूजा अर्चना गर्ने गरिन्छ, घटस्थापनाको दिन शुभ साईत बिहानै भएपनि श्रद्धा एवं भक्तिले दिन भरिनै आफ्नो कुलाचार र परम्परा अनुसार घटस्थापना गरी जमरा राख्न सकिनेछ ।
बडादसैं आगामी कार्तिक ७ गते मंगलबारका दिन बिहान १० बजेर ३७ मिनेटमा देवी विर्सजन गरी माता दुर्गाभवानीको प्रसाद, टिका र जमरा ग्रहण गर्ने उत्तम साईत बिहान ११ बजेर २ मिनेटमा रहेको छ । यसपालिको टिकाको शुभ साहित लाभ योगमा रहेको छ ।
यस दिन पश्चिम फर्केर दुर्गा भवानीको प्रसाद आफ्नो मान्यजनका हातबाट टिका र जमरा ग्रहण गर्नाले शुख, शान्ति, ऐश्वर्य, यश, कृति, लाभ, विजय, आयु, सुस्वास्थ्य तथा मनोकामना पूर्ण हुने शास्त्रोक्त कथन रहेको छ ।
शास्त्रीय मान्यता अनुसार यो पनि भनिएको छ कि सामान्य मानिसलाई टीका र प्रसाद ग्रहण गर्न साइत चाहिँदैन अतस् विजया दशमीको दिन देश, काल र परिस्थिति अनुसार जतिबेला पनि टिका र जमरा ग्रहण गर्न सकिनेछ ।
कार्तिक ४ गतेका दिन नवरात्रको सातौं दिन अर्थात् फूलपाती भित्र्याउने उत्तम साईत बिहानको ८ बजेर २४ मिनेटमा रहेको छ । यसैगरी कार्तिक ११ गते कोजाग्रत पूर्णिमाको दिन दिन भरिनै जुनसुकै बेलापनि जमरा सेलाउन सकिनेछ ।
